Waduk Penjalin yakuwe waduk sing enggone nang tengah-tengah desa Winduaji, kira-kira 2,4 km arah kidul ibu kota Kecamatan Paguyangan, Brebes, Jawa Tengah. Waduk Penjalin kiye posisine nang perbatasan Kabupaten Brebes karo Kabupaten Banyumas. Luas waduk kiye ± 125 ha. Penjalin nek nang basa Jawa kuwe artine rotan.

Lokasi sunting

Waduk Penjalin kiye enggone nang tengah-tengah desa Winduaji, kira-kira 2,4 km arah kidul ibu kota Kecamatan Paguyangan, Brebes. Sekang ibu kota kecamatan meng arah kidul jurusan Purwokerto, nek wis tekan nang desa Winduaji mbelok tengen meng lokasi waduk. Sekang kota Paguyangan adoeh kira-kira 6 km, nek sekang kota Bumiayu 12 km. Angger sekang Purwokerto ± 30 km.

Manfaat sunting

Waduk kiye debangun pemerintah kolonial Belanda taun 1930 bareng karo pembangunan Waduk Malahayu. Banyu sekang waduk kiye disiapna kanggo nyuplai irigasi Kali Pemali uga areal persawahan.

Nang bagian ngarep waduk ana tanggul sing duwure 16 m, lebar 4 m, karo dawa 850 m. Sekeliling waduk kiye diideri Kedung Agung, Kali Garung, Keser Kulon, Dukuh Soka, Dukuh Karangnangka, Dukuh Karangsempu, Petuguran terus nang sebelah kiwe ana pedukuhan Mungguhan.

Manfaat waduk kiye juga sebagai lokasi kanggo nggolet nafkah warga sekitare, antarane nggolet iwak, juga kanggo masang keramba apung, lan angger pas lebaran juga ana penyewaan prau kanggo rekreasi ngideri waduk.

Liyane sunting

Saben Idul Fitri ana Pekan Wisata Idul Fitri lengkap karo acara-acara lomba nangkap itik, pentas dangdut lan dolanan ketangkasan bocah.