Dalan Raya Pos

Dalan Raya Pos (basa Landa de Grote Postweg) utawa dalan Daendels, kuwe dalan raya sing dibangun Herman Willem Daendels (1762-1818). Dalan kiye dawane ± 1.000 km, sedawane pesisir lor pulau Jawa molai Anyer nang Banten gutug Panarukan nang Jawa Timur.

Dijenengi dalan pos merga dalan kuwe jaman gemiyen kanggo angkutan jasa pos karo penumpang, mulane dong taun 1810, pemerentah kolonial Landa tau nyediakna 200 jaran kanggo sarana angkutan nang dalan kiye.

Dalan kuwe dibangun nganggo sistem kerja paksa, miturut catetan pemerentah Inggeris ana lewih 12.000 wong sing tewas, umume merga kekeselan karo kenang serangan lemud malaria.