Gembus

Gembus yakuwe salah sijine panganan tradisionale Cilacap sing siki-siki kaya wes jarang maning ana nang daerah cilacap. Bentuke bunder terus nang tengaeh bolong persis kaya sing jenenge kue donat. Gemiyen, gembus kondang pisan nang wong-wong Cilacap, aja maning nang bocah-bocah enome, sapa lah sing ra ngerti karo ra doyan gembus. Gembus akeh didol nek pas lagi ana tontonan, terus akeh juga sing pada ider meng umah-umah. Sing akeh, wong-wong sing seneng gembus, mangane pas egin anget nggo lawuh mangan pecel.

Panganan tradisional Cilacap

Napinen nek siki wis arang ana bakul gembus, paling-paling gari nek ana tontonan, be mung gur siji loro thok. Bocah-bocah lairan 1985-an meng nduwur kadang ana sing ora ngerti apa kue gembus lho, apa maning mangan wong ngerti be ora. Jalarane gembus kue esih kalah nang panganan panganan gawean pabrik sing pemasarane lewih gedhe.

Bahan utamane nggawe gembus yakuwe budin, budin diceti terus dikumbah. Sewise dikumbah budin gari diparud, terus peres banyune diwadaih ember ben nggo diarah pathine. Terus amapase didang, sewise didang gari dibumbuni nang lumpang karo dijojoh karo alu ben bumbune kuwe mau nyampur rata karo ben ngenteni mandan adem. Nek wes adem gari ditumplek nang tampir teru digiling digawe kaya donat gari dipe ben nek digoreng ngembang.

Sing dadi kendala nek gawe gembus yakuwe budine sing siki langka mergane jarang siki wong nandur budin nang karangane. Sebabe yakuwe regane murah, terus panene juga suwe hasile ra sepiraa lah. Seliane kuwe nek musim udan kuwe juga langka sing tuku gembus kuwe mau. Tapi tetep lah gembus dadi panganan khase Cilacap sing wes dadi kebanggaane dewek sebage warga Cilacap.