[[Syekh Maulana Maghribi]] kuwe slah siji [[ulama]] kesohor. Dheweke jane [[pangeran]] sing asale sekang Turki. Critane dimolai bar Subuh, Syekh Maulana Maghribi ndeleng sinar aneh, sinar muncul nang arah [[Tenggara]]. Dheweke pengin ngerti sekang endi sinar misterius kuwe muncul lan ana petunjuk apa. Dikancani karo sohibe Haji Datuk lan batur-bature, [[Syekh Maulana Maghribi]] karo rombongan berlayar ming arah muncule sinar. Rombongan terus berlayar nganti tekan pantai Gresik, sinar misterius kuwe keton nang arah kulon, rombongan terus berlayar ming arah kulon lan akhire tekan nang pantai [[Pemalang]], [[Jawa Tangah]]. Tekan nang [[Pemalang]], Syekh Maulana Maghribi ngongkon para pembantune bali, dheweke mung dikancani Haji Datuk ngelanjutaken perjalanan ming arah kidul sambi nyebaraken agama Islam. Akhire Syekh Maulana Maghribi netep nang Banjar Cahayana. Nang kene dheweke keserang penyakit gatel-gatel, penyakite kuwe mandan serius lan angel diobati.
Akhire pas mbengi bar shalat Tahajud, Syekh Maulana Maghribi olih [[/Ilham]] nek dheweke kudu lunga ming arah gunung Gora. Tekan ming lereng gunung Gora, Syekh Maulana Maghribi ngongkon Haji Datuk ninggalaken dheweke. Syekh Maulana Maghribi dhewekan ngenteni petunjuk nang enggon sing ana kepulan asap. Jebulane nang kana ana sumber air panas lan Syekh Maulana Maghribi nyeluk panggonan kuwe '''Pancuran Pitu''' sing artine sumber banyu panas sing nduwe 7 mata air. Saben penyakit gatele kumat Syekh Maulana Maghribi adus nang kono, ngantek akhire penyakit gatele mari.
Wong-wong neng kana nyeluk Syekh Maulana Maghribi dadi '''Mbah Atas Angin''' sebab dheweke teka sekang negeri sing adoh banget. Syekh Maulana Maghribi uga kadang disebut '''Haji Datuk Rusuhudi''' (artine Batur sing Adil utawa Pembantu sing Setia).
Syekh Maulana Maghribi akhire ngobah jeneng gunung Gora dadi [[Gunung Slamet]], slamet artine aman, merga Syekh Maulana Maghribi ngerasa aman manggon nang kana.
Daerah sing dienggoni [[Syekh Maulana Maghribi]] nganti mari sekang penyakite dianggep keramat lan akeh dikunjungi wong sekitar kana khususe dina Selasa Kliwon lan Jemuah Kliwon.
Baturaden miturut versi kiye ditulis nganggo 1 "R".
