Waduk Mrican

Waduk Mrican, utawa aran resmine Bendungan Panglima Besar Sudirman, kuwe salah siji waduk sing panggonane 10 km sekang pusat kota Banjarnegara arah ngulon. Waduk kiye sejatine PLTA kanggo nyukupi kebutuhan listrik Jawa Bagian Kulon karo Bali.

Waduk Mrican

Panggonane waduk kiye sing nang lereng pegunungan jan kepenak pisan nggo wisata karo leyeh-leyeh ngadhemna pikiran ngilangna stress bareng keluwarga. Angger rika ana kesempatan liwat Banjarnegara arah Purwokerto, tekan desa Matrianom jajal mbelok ngiwa mlebu maring Waduk Mrican. Rika bisa mancing, olahraga golf, utawa nunggang prau njelajah Waduk Mrican. Kawasan Waduk Mrican uga dadi favorit bocah nom-enoman nyaluraken hobi balap motor. Sayange balapan motor kuwe termasuk ilegal, tapi kena nggo alternatif hiburan karo nyore bareng keluwarga.

Angger Rika tekan Banjarnegara kewengen utawa subuh gasik, rika bisa jagongan medang kopi karo mangan srabi nang pojok Terminal Mrican.