Benteng Pendem
Benteng Pendem Cilacap, nek basa Landane jenenge "Kusbatterij Op De Lantong Te Cilacap" nggone kira-kira setengah kilo meter nang kidul obyek wisata pantai Teluk Penyu. Benteng kuwe, anu bekas markas pertahananane tentara Hindia Belanda sing di bangun tuk sending sekang tahun 1861 nganti 1879 , ambane 6,5 hektar. Benteng Pendem kuwe nduwe tatanan sing esih kokoh, antarane barak utawane nggon prajurit, klinik, trowongan, penjara, nggon amunisi, nggon tembak sing diubengi pager karo kalen lan diurugi lemah sing dhuwure kira-kira 1-3 meter.
Arsitektur sunting
Bangunan Benteng Pendem keitung bangunan kuna sewektu jaman penjajahan Landa sing digawe nganggo bahan baku paling akeh bata abang ora keton bangunan cor-coran. Nang saben nggon lan lawang bentuke mlengkung sing ora akeh variasine. Nang ndhuwur bangunan akeh-akehe diurugi lemah karo pada tukul wit-witan perdu sampe ora keton bangunan Benteng Pertahanan nang pog Segara Cilacap nek dideleng kang adohan.
Bangunan-bangunan sunting
Sekang cacaeh bangunan-bangunan sing ana nang Benteng Pendem kuwe fungsine :
- Kalen, Benteng Pendem wektu jaman mbiyen nang pinggire ana kalen sing ngubengi Benteng, tapi siki mbene kekeduk dawane 500 meter. kalen kiye dienggo nggo buangan banyu kang njero trowongan lan nggo ngadangi mbok mbok musuh nylusup meng njero Benteng Pendem.
- Barak, Barak 14 (patbelas) dibangun tahun 1887 sing anane 14 kamar, dienggo nggo nggon ngaso/nggon turu.
- Klinik (Nggon Kesehatan), Nggon kesehatan kiye dibangun tahun 1879 sing kelebu bangunan kurik dhewek sekang bangunan sing ana, sing dienggo dadi nggon pengobatan nek ana tentara sing lara.
- Benteng Pertahanan, Ana rong werna (2 werna) benteng pertahanan sing ana nang Benteng Pendem. Benteng Pertahanan sing disogi payon utawa sing jenenge Pertahanan Sempurna lan Benteng Pertahanan Dada/kebukak sing nang bagian ngisore ana bolongane setengah bunderan nggo nggon mesiu sing dienggo nggo enggon nembak jarak perek.
- Monumen Peluru, Monumen 2 peluru digawe nang Tentara Republik Indonesia (RPKAAD) pas nganggo Benteng Pendem nggo latihan lan ndarat sekang segara.
- Terowongan, Sewijine terowongan sing dawane 100 meter, ana lawange 4 nggo mlebu sing ana nggon instalasine. Nang njerone uga ana nggon nggo Perwira karo nggon rapat. Trowongan kiye uga dienggo nggo ngatur siasat(strategi) nyerang lan nggon umpetan sing kurik dhewek, nang njero terowongan ana 6 senthong meriam lan 6 lenjer meriam sing madhep : rong pucuk (2) meriam madhep meng kalen sebelah lor, selenjer (1) madhep meng ngulon, selenjer (1) madhep meng ndalan sing maring kondong bedhil lan 2 lenjer maning nang bagian pog kidul madhep ngetan (kalen).
- Kondong pluru/Bedhil, Pluru jaman mbiyen wujude serbuk-serbuk sing gampang banget njeblug, mulane nang njero kondong bedhil kuwe ana ruangan nang ngisor ingsine banyu sing dienggo nggo ngadhemna pluru.
- Nggon Nembak Jarak Adoh, Nang ndhuwur benteng ana telulas (13) nggon nembak jarak adoh : 6 lenjer meriam madhep meng Segara Indonesia, lan 5 lenjer meriam madhep meng Selat Nusakambangan.
Sumber sunting
- Dinas pariwisata Cilacap