Februari

Februari kuwe sasi keloro taun nang Kalender Gregorius. Tembung kiye dijikot sekang Basa Belanda Februari sing asale sekang basa Latin, Februus, yakuwe dewa penyucian. Sasi kiye kuwe sasi sing astamiwa jalaran dawane teyeng dadi 28 utawa 29 dina, dong Taun Kabisat. Tembung kiye kadang cokan disebut uga "Pebruari".

Gemiyen Februari kuwe sasi pungkasan, nganti taun 450 sedurung Masehi, dong sidane disogna seuwise Januari. Maret tau dadi awal taun, lan Februari sing dadi sasi pungkasane, ningen sidane Februari dibalekna maning dadi sasi ke-2. Nang bangsa Romawi sasi kiye dianggep dadi wektune kanggo mengeti upacara penyucian.