Mpu Purwa

Asal Usul

Sapa jane Mpu Purwa ?. Mandan angel crita bab Mpu Purwa kiye. Jajal dimolai sekang awal mula agama Hindu.

Nang Kitab agama Hindu ana disebut bab Sapta Resi, Sapta Resi kuwe pitu Resi sing nerima wahyu pertama kali, ning uga ora bisa disebut nek pitu Resi kuwe dadi pendiri agama Hindu sebab pitu Resi kuwe olih wahyu nganggo cara ngelakoni Yoga tekun banget nganti akhire brasil olih utawa mencapai kemampuan intuitif tur bisa ndeleng kebenaran sing kekal abadi (Sanatana Dharma). Pitu Resi kuwe Pandita-Pandita sing esih sedulur-seketurunan, rama pitu Resi kuwe yakuwe Mpu Gnijaya, pitu Resi kuwe uga sing dadi nenek moyang warga Pasek nang Pulau Bali.

Pitu Resi-Resi putra Mpu Gnijaya yakuwe:

• Mpu Ketek
• Mpu Kananda
• Mpu Wiradnyana
• Mpu Withadharma
• Mpu Ragarunting
• Mpu Prateka lan
• Mpu Dangka.

Mpu Purwa

Mpu Wiradnyana duwe keturunan salah sijine yakuwe Mpu Wiranatha utawa gelare Mpu Purwanatha (biasa ditulis Mpu Purwa thok). Mpu Purwanatha kiye metu sekang Pulau Bali lantes nggawe Perguruan nang pinggir alas daerah Tumapel. Nang Perguruan Tumapel kiye Mpu Purwanatha duwe keturunan yakuwe: Ken Dedes.

Mpu Purwanatha tau kesuh lantes menghukum rakyat desa Panawijen, Tumapel merga ora jujur soal putrine Ken Dedes sing diculik pasukan Awuku Tunggul Ametung, hukumane yakuwe kabeh sumur nang desa kuwe dadi garing, blas ora nana banyune, ning akhire rakyat desa Panawijen diampuni.

Nang Bali, Mpu Purwa uga duwe keturunan sing dikenal sebagai warga Pasek Tatar. Salah siji warga Pasek Tatar kiye yakuwe Ibunda mantan Presiden Sukarno, Nyoman Rai Srimben.

---

mBalik ming:

Kaca Utama