Pecel Combrang

Pecel combrang kuwe salah siji panganan khas Banyumas sing meh pada karo pecel sayur liyane. Sing mbedakna yakuwe, tambahane kembang combrang sing rasane semu kecut lan ambune greng pisan nang irung. Pecel combrang digawe karo sambel kacang lan sayur-sayuran sing dileob disit.

Pecel karo combrang (abang, nang jero plastik), kupat, lan gorengan; didol nang Pasar Rawakele, Kebumen

Bumbu sambel

Bahan-bahan sing dinggo bumbu sambel pecel yakuwe:

• Uyah
• Lombok
• Kencur
• Bawang putih
• Kacang tanah, bisa digoreng utawa disangan

Combrang

Combrang biasane ditandur nang pinggir selokan. Sing digawe kembange sing esih enom utawa esih kuncup, diirisi lembut terus diuwur-uwurna selayake topping sa nduwure pecel.