Batara-batari nang pewayangan

Batara-Batari (Dewa-Dewi) nang cerita pewayangan kuwe Dewa-Dewi sing muncul nang mitologi agama Hindu sekang India, lan diadaptasi nang budaya Jawa. Dewa nang budaya Jawa kasebut Batara (lanang) atawa Batari (wadon). Miturut ceritané R.A. Kosasih, menungsa awalé sekang Adam lan Hawa, terus dheweke nurunna Nabi Sis, terus nurunna Anwar sing mengkoné nuruna para Hyang. Terus nurunna Hyang Nur Cahya, sing manggoné nang pucuk gunung Mahameru. Hyang Nur Cahya nurunna Nurasa, terus nurunna Hyang Wenang, terus Hyang Tunggal lan seterusé terciptalah dewata.

Genealogi Batara awal

Sang Hyang Adhama
Sang Hyang Sita
Sang Hyang Nurcahya
Sang Hyang Nurrasa
Sang Hyang Wenang
Sang Hyang Tunggal & Dewi Wardani

Batara generasi awal

Generasi awal iki lahiré sekang bagiané endog. Miturut R.A. Kosasih, urutanné mulai sekang Ismaya, Antaga, Manikmaya. Mung maring Manikmayalah Keturunan berikutnya diterusna.

Sang Hyang Antaga, asalé sekang kulit endog. Dheweké krasa awaké lewih penting sekang seduluré, banjur ngadu ilmu lan sempet kalah. Ora trima kekalahanné, dheweké nantang seduluré ngadu ilmu pamungkas yaiku ngelêg gunung tapi dheweké gagal lan akibaté rupané malik dadi elék. Antaga banjur dijenengi Togog lan diwenehi tugas kon ana nang sisi jahat lan mbalenka maring sisi sing bener.
Sang Hyang Manikmaya, asalé sekang endog kuning, sing dadi pemimpin lan bapaké para batara-batara selanjutnya. Gelaré akeh, salah sijine yaiku batara Guru.
Sang Hyang Ismaya, asalé sekang endog putih sing mengkoné dadi Semar. Dheweke krasa jumawa karo kesaktiané, banjur melu ngadu ilmu karo Antaga lan sidanédheweké dikutuk dadi wujud Semar.

Senajan mengkone ngabdiné maring wong sing sejen-sejen, tapi kabeh nduweni tugas penting yaiku njagani keseimbangan donya. Mengkone bakal ana ketidakseimbangan donya jalaran polahé Rahwana nganti perang Mahabaratha, tapi kabeh iku dadi proses keseimbangan donya sing uwis ana sing ngatur.

Batara generasi selanjutnya

Keturunan Batara Guru karo Dewi Uma

Daftar pustaka

Slamet Muljana, 1979. Nagarakretagama dan Tafsir Sejarahnya. Jakarta: Bhrathara