Jagung

Jagung kuwe panganan dhasar sing wigati nomer loro sadonya seuwisé gandum lan sedurungé beras. Nang tanah Jawa lan sakitaré utamané wong Madura sing doyan mangan jagung.

?Jagung
Jagung
Klasifikasi ilmiah
Kerajaan: Plantae (tidak termasuk) Monocots (tidak termasuk) Commelinids Ordo: Poales Famili: Poaceae Genus: Zea Spesies: Z. mays
Jeneng binomial
Zea mays ssp. mays L.

Zea mays "fraise"

Zea mays "Oaxacan Green"

Zea mays 'Ottofile giallo Tortonese'

Jagung teyeng thukul nang tlatah garing mulané disenengi wong Madura. Jagung sajatiné asalé sekang jagat bawana Amerika. Para pakar ngira-ngira nek jagung wis ditandur manungsa kurang luwih 6.500 - 12.000 taun kapungkur.

Jagung teyeng digawe panganan werna-werna, kayata marning, brondong, lan bakwan jagung. Angger digawe glepung jenenge maizena, kena kanggo nggawe jenang, nyamikan, kue putri ayu lan liya-liyane. Godhong jagung teyeng kanggo pakan sapi.

Jagung kalebu bahan pangan sing nandure gampang lan akeh manfaate. Mangsa ketiga utawa rendheng teyeng nandur jagung. Yen ketiga kudu gelem nyirami. Rabuke cukup pupuk kandhang lan urea.

Barkas:Maize ear.jpg

Tanduran jagung.

Produksi jagung lan perdagangan donya

Propinsi sing ngasilna jagung nang Indonesia : Jawa Timur : 5 jt ton; Jawa Tengah : 3,3 jt ton; Lampung : 2 jt ton; Sulawesi Selatan: 1,3 jt ton; Sumatera Utara : 1,2 jt ton; Jawa Barat : 700 – 800 rb ton, liyane (NTT, NTB, Jambi lan Gorontalo), rata-rata produksi jagung nasional 16 jt ton per taun

Produsen jagung paling gedhe sekiye yakuwe Amerika Serikat (38,85% sekang total produksi donya), ditutna nang China 20,97%; Brazil 6,45%; Mexico 3,16%; India 2,34%; Afrika Selatan 1,61%; Ukraina 1,44% lan Canada 1,34%. Angger negara-negara Uni Eropa produksine 7,92% lan negara-negara liyane 14,34%. Total produksi jagung taun 2008/2009 yakuwe 791,3 juta MT.

Pranala jaba

• [1] U.S. Grains Council
• [2] National Corn Growers Ass.
• Common Names of Plant Diseases. Daftar penyakit jagung dunia.

Cithakan:Bahan pangan