Kota (wilayah administratif)
| Pembagian administratif Indonesia |
|---|
|
| Tingkat provinsi |
| Tingkat kabupaten/kota |
| Tingkat kecamatan |
| Tingkat kemukiman |
| Tingkat kelurahan/desa |
|
Kelurahan • Desa • Nagari |
| Deleng uga |
|
Banjar • Dusun |
| sunting |
Nang administrasi negara Indonesia, Kota kuwe klebu satuan administrasi negara otonom nang ngisore propinsi lan nang dhuwure kecamatan, seliyane kabupaten, sing nduwe ciri fisik kaya sawijining perkotaan. Penulisane mesti kudu nganggo aksara gedhe (kapital) lan apike ditutna karo jeneng penjelas sing ngetutna nang jejere (kaya contone "Kota Semarang") jalaran Kota kuwe klebu sawijining nama diri. Nang Indonesia istilah kiye digunakna kanggo mbedakna karo kota sing secara administratif ana nang ngisore kabupaten. Unit kiye digawe nganggo dasar hukum yakuwe UU no 22 bab Pemerintahan Daerah taun 1999. Satuan administrasi kiye sedurunge dikenal nganggo jeneng "Kotamadya". Kota dipimpin nang sawijining walikota sing direwangi wakil walikota. Loro-lorone dipilih barengan nganggo cara langsung nang warga Kota kuwe.
Kota kuwe posisine sejajar karo kabupaten lan kedudukan walikotane sejajar karo bupati. Umume, kabupaten lan kota kuwe dhuwe wewenang sing padha. Kabupaten dudu bawahan sekang propinsi, mulane kuwe bupati utawa walikota ora nduwe tanggung jawab maring gubernur. Kabupaten lan kota kuwe daerah otonom sing diwenehi wewenang kanggo ngatur lan ngurusi urusan pemerentahanne dhewek.
Gemiyen nang Indonesia, istilah kota kuwe jenenge Daerah Tingkat II Kotamadya. Seuwise ana Undang-undang Nomor 22 Taun 1999 bab Pemerintahan Daerah, istilah Daerah Tingkat II Kotamadya kuwe mau diganti dadi kota thok. Istilah "Kota" nang propinsi Aceh jenenge banda.