Rawaapu, Patimuan, Cilacap
Rawaapu kuwe salah siji desa nang Kecamatan Patimuan, Kabupaten Cilacap, provinsi Jawa Tengah, Indonesia. Desa Rawaapu kelebu desa sing amba, manglur nang pinggir kali Citandui 15 km tekan pol-polan kali nang Segara Anakan.
| Rawaapu | |
|---|---|
| — Desa — | |
| Negara |  Indonesia |
| Propinsi | Jawa Tengah |
| Kabupaten | Cilacap |
| Kecamatan | Patimuan |
| Wewengkon | - |
| Pedunung | - |
| Kepadhetan | - |
Wates blah lor lan kulon Desa Rawaapu, yakuwe Desa Sidamukti. Watese arupi tugu nang sebelah Sekolah Dasar Negeri Rawaapu 5 nang Dusun Kalen Anyar. Desa Rawaapu kebagi pirang-pirang tlatah dusun, yaguwe Dusun Kalen Anyar, Rawaapu, Cikadim, lan Cikuning.
Sekilas
suntingWong Desa Rawaapu rata-rata usahane tani, nderes (nyadap) glugu (wit klapa) kangggo gawe gula abang, ngebon Cin Cau, ngingu wedus, lan makarya nang kota dadi buruh. Akibat bangunan irigasi sing ngawur (nutupi dalam banyu), angger musim udan sawah nang Desa Rawaapu banjir, banyu udan ora bisa mili ketutup tanggul sier (irigasi) dadi tani ora bisa nggo andalan soale kudu nunggu banyune surut. Nek musim ketiga, langka banyu sebab siere ora mili. Dadi rekasa banget urip nang daerah kiye.
Masalah liyane sing angel yaguwe banyu resik nggo masak lan ngombe. Banyu nang desa kiye wernane kuning, akeh tiyenge dadi ora bisa diombe. Wong-wong desa pada ngangsu nang desa liyane.
Padusunan
suntingDesa Rawaapu dibagi dadi patang dusun, yakuwe:
Dusun Kalen Anyar
suntingDusun Kalen Anyar lokasine nang bagian kulon dewek. Dusun kiye dilewati dalam provinsi jurusan Cilacap-Pangandaran. Nang kene dibangun tugu tapel bates antarane Provinsi Jawa Tengah karo Jawa Barat.
Dusun Rawaapu
suntingBalai Desa Rawaapu ana nang dusun kiye.
Dusun Cikuning
suntingDusun Cikuning dibangun lapangan bal desa karo Sekolah Lanjutan Tingkat Pertama (SLTP) Patimuan 2. Zaman gemiyen, dusun kiye isine mung lahan tumpang sari atawa trukahan.
Dusun Cikadim
suntingDusun Cikadim langsung batesan karo muara Kali Citandui nang Segara Anakan
Sekolahan
sunting- SDN Rawaapu 1 nang Dusun Cikuning
- SDN Rawaapu 2 nang Dusun Cikuning
- SDN Rawaapu 3 nang Dusun Rawaapu
- SDN Rawaapu 4 nang Dusun Rawaapu
- SDN Rawaapu 5 nang Dusun Kalen Anyar
- SDN Rawaapu 6 nang Dusun Cikadim
- SMP N 2 Patimuan nang Dusun Cikuning