Goa Jatijajar
Goa Jatijajar kuwe Goa Alam artine dibentuk sekang perobahan-perobahan geologis batu kapur sing butuh wektu atusan ngantek ewunan taun. Lokasi Goa Jatijajar kuwe nang Desa Jatijajar, Kecamatan Ayah, Kabupaten Kebumen, Jawa Tengah.
Penemu sunting
Penemu goa kiye jenenge Jayamenawi taun 1802, dheweke petani sing nduwe lemah garapan pas nang nduwur goa kae. Kedadeane kaya kiye: pas dheweke agi mbabat suket, ndilalah ijig-ijig kejeblos ming lobang sing lumayan jero, jebule lobang kuwe kaya lobang angin (ventilasi) sing enggone pas nang langit-langit goa. Diameter lobang kuwe ± 4 meter, jerone ± 24 meter.
Sendang & Mitos sunting
Nang goa Jatijajar ana 7 sendang, ning sing gampang diparani mung 4 yakuwe:
- Sendang Puser Bumi – Mitos Sendang Puser Bumi & Sendang Jombor
- Sendang Jombor
- Sendang Mawar – Mitos Sendang Mawar
- Sendang Kantil – Mitos Sendang Kantil
Juru Kunci sunting
Jaman gemiyen goa kiye ana juru kuncine sing njaga. Silsilah juru kunci goa Jatijajar yakuwe:
- Juru Kunci I - Jayamenawi
- Juru Kunci II - Bangsatirta
- Juru Kunci III - Manreja
- Juru Kunci IV - Jayawikrama
- Juru Kunci V - Sandikrama
- Juru Kunci IV - Jayawikrama
- Juru Kunci III - Manreja
- Juru Kunci II - Bangsatirta
Deorama Lutung Kasarung sunting
Deorama nang goa Jatijajar kuwe ana 8, patunge ana 32 iji, kabeh kuwe ngisahna legenda Raden Kamandaka sing miturut legenda jere, dheweke ganu tau mertapa nang goa kiye. Jeneng asli Raden Kamandaka jane Banyak Cokro utawa Banyak Cakra, dheweke putra mahkota sekang Kerajaan Pajajaran.