Kesenian

Kesenian kuwe bagian kebudayaan sing ana hubungane karo wujud rasa apik utawa indah. Rasa kuwe anane nang batin, nang pikiran menungsa termasuk rasa apik kuwe. Kesenian nang kene fungsine kanggo nyalurna rasa indah nang pikiran kuwe. Tegese, kesenian kuwe proses nyiptaaken wujud-wujud sing marakna ati ngerasa seneng, puas, bungah nggo ngelengkapi sisi batin/spiritual keuripan menungsa.

Museum Kesenian Islam Malaysia di Kuala Lumpur, Malaysia.

Sebagian wong duwe anggepan nek Seni kuwe mung pelengkap, artine angger ora ana ya ora apa-apa. Jane seni kuwe wis ana kawit menungsa kuwe lair, dadi nang masing-masing individu, jiwa seni kuwe tumbuh bareng karo ilmu individu kuwe.

Fungsi

Fungsi seni kuwe kanggo ngalusna perasaan, pikiran, lantes watek/kepribadian terus lanjut nggo ngalusna tingkah polah utawa tingkah laku. Kasil pribadi sing wis dibekeli rasa alus kuwe mengko dadi duwe sifat santun, toleran karo bijak. Mulane kawit cilik menungsa kuwe wis moali dibekeli muatan seni liwat Tembang Bocah sekang Biyunge, tembang Tak Lelo Lelo Lelo Ledung contone utawa sekang dongeng sing dicritakna Ramane. Fungsi liyane kanggo numbuhaken sifat kreatif utamane nang bocah-bocah.

Dolanan kuwe donya seni bocah sing terus dilakoni ngantek bocah kuwe melebu sekolah. Pelajaran nggambar nang sekolah kuwe salah siji cara nggo numbuhaken rasa seni nang bocah.

Werna-Werna Seni

• Sastra
• Seni Rupa
• Seni Pagelaran

Kesenian miturut Wilayah

Wujud seni kuwe lengket karo enggon asal jenise seni kuwe. Sifat, werna, gaya karo kabeh perangkat seni mesthi cocok karo wnggon asale seni kuwe.

• Kesenian Barat
• Kesenian Timur
• Kesenian Jawa
• Kesenian Banyumasan