Babad Banyumas

Babad Banyumas ora bisa dipisah karo sejarah Kerajaan Galuh Purba (dibangun adoh sedurung abad 5 Masehi). Kerajaan kiye dibangun nang sekitar Gunung Slamet ning bar kuwe pusat kerajaane pindah maring Garut - Kawali (abad 6-7 Masehi) mbentuk utawa ngelanjutaken pemerentahan nang Kerajaan Galuh Kawali.

Kerajaan Galuh Purba

Kerajaan Galuh Purba kuwe dibangun pendatang-pendatang sekang Kutai, Kalimantan ning sedurung agama Hindu melebu nang Kutai. Keturunan-keturunan Kerajaan Galuh Purba kiye nerusna pemerentahan Kerajaan nang Garut - Kawali (Ciamis) sing wis duwe budaya Sunda, terus sebagian campur darah karo keturunan Kerajaan Kalingga (Jawa Tengah). Campur darah (perkawinan) kuwe juga berlanjut dong masa Kerajaan Galuh Kawali dadi Kerajaan Galuh Pajajaran sebab akeh perkawinan antara kerabat Keraton Galuh Pajajaran karo kerabat Keraton Majapahit (Jawa), lha keturunan campurane kuwe sing mbentuk Banyumas.

Babad Banyumas juga ora bisa dipisah karo sejarah Kerajaan Galuh Kawali sing wilayah kekuasaane ngeliputi lewih separo wilayah Jawa Tengah siki (kemungkinan tekan Kedu lan Purwodadi), dadi termasuk juga wilayah Banyumasan.

Babad Banyumas juga ora bisa dipisah sekang pribadi Raden Joko Kahiman (putra Raden Banyak Cotro, putu Raden Baribin), sing duwe sifat utawa watek-watek satria.

Babad Banyumas juga ora bisa dipisah karo babad Kadipaten-Kadipaten lan Kerajaan-Kerajaan nang wilayah Banyumas lan sekitare antarane Kadipaten Pasir Luhur, Kadipaten Wirasaba, Kadipaten Bonjok lan liya-liyane.

Babad Banyumas juga ora bisa dipisah karo babad Kerajaan-Kerajaan utama nang Jawa Tengah lan Jawa Barat antarane Kerajaan Tarumanegara, Kerajaan Kalingga, Kerajaan Pajajaran, Kerajaan Mataram, Kesultanan Demak, Kesultanan Pajang lyy.

Babad Banyumas juga ora bisa dipisah karo legenda-legenda lan mitos-mitos Banyumasan antarane: Raden Kamandaka, Wijayakusuma, Ciung Wanara, Goa Jatijajar lan liya-liyane.

Sedurung ngelanjutaken Babad Banyumas lewih apik paham ndisit karo Makna Kata Banyumas lan Sejarah Kata Banyumas.

Jaman Pra Sejarah

/* Jaman Pra Sejarah */

Jaman Kerajaan-Kerajaan

Artikel utama bab: Banyumas jaman kerajaan-kerajaan

Crita sejarah Kerajaan-Kerajaan nang kabupaten Banyumas umume dimolai sekang Kerajaan Majapahit (abad XIII) padahal adoh sedurunge (abad V), wis ana Kerajaan Galuh Purba (ning mandan angel nggolet catetan sejaraeh) sing nguasai wilayah kiye. Kerajaan Galuh Purba kiye malah diduga nduwe Kerajaan-Kerajaan bawahan sing umure bisa baen lewih tuwa.

Wilayah kabupaten Banyumas dadi bagian kerajaan-kerajaan liya kuwe ora liwat perang utawa penaklukan mung baen kadipaten-kadipaten uga pemimpin-pemimpine (adipati-adipatine) tunduk ming kerajaan-kerajaan kuwe.

Abad XIII taun 1293 M, Raden Wijaya mbangun Kerajaan Majapahit, akhire wilayah kabupaten Banyumas uga dadi bagian kerajaan Majapahit kiye, kuwe ngantek Abad XV utawa taun 1520 M dong Majapahit runtuh. Pas wektu kerajaan Majapahit runtuh kuwe sebagian kerabat keratone ngungsi ming kerajaan Pajajaran ngantek akhire ana kawin campur antara keturunan keraton Majapahit karo kerabat keraton Pajajaran yakuwe antara Raden Baribin karo Dyah Ayu Ratu Pamekas. Salah siji putra pasangan kiye yakuwe Raden Banyak Cotro ramane R. Joko Kahiman.

Deleng Uga

• R. Joko Kahiman

---

mBalik ming:

• Kabupaten Banyumas